البصل والتوم من المواد المسببه للتسمم في القطط والكلاب سواء كانوا فريش او مخلوطين في الاكل او علي هيئه بودره توم وبصل , البصل كمان اكتر سميه للكلاب والقطط من التوم الاتنين رغم فايدتهم الكبيره لينا الا انهم بيكسروا خلايا الدم الحمراء لهم وبيسببوا أنيميا وبيبقي صعب علي خلايا الدم انها تنقل الاوكسجين للاعضاء الحيويه في الجسم وبالتالي بيحصل فشل في وظائف الاعضاء دي ووفاه بعدها لو الحاله متلحقتش
طيب أيه الأعراض اللي ممكن أشوفها لو حصل تسمم ؟
نتيجه تكسير خلايا الدم فهلاقي البول ملون بلون أحمر
هلاقي الحيوان بيضعف ومعندوش توازن
هلاقي لعاب الحيوان بيسيل بشكل ملحوظ
وممكن يحصل اسهال أو قئ
وفي الحالات المتأخره من التسمم بلاقي تشنجات وصعوبه في التنفس نتيجه عدم نقل الاوكسجين ووصول الماده السامه للجهاز العصبي
أعمل ايه لو حصل وأكل الحيوان أكل فيه نسبه كبيره من البصل والتوم وظهرت عليه الأعراض ؟
الطبيعي اني لازم هاخده لاقرب دكتور بيطري زي ما قلنا قبل كده لوحدك مش هتقدر تعالجه لانه العلاج هيتضمن غسيل معده وتعليق محاليل وادويه في الوريد صعب اي مربي انه يعمل الكلام دا لوحده
بس اللي ممكن نعمله لحد ما نوصل للدكتور هو انه ندي أقراص الفحم , اقراص الفحم بتقلل امتصاص الماده السامه غير طبعا فايدتها في الظروف الطبيعيه في طرد الغازات و تسهيل عمليات الهضم
بنحط قرص لكل معلقتين ماء وندي الحيوان معلقه لكل كيلو من وزنه
وبعدين بنشرب كوبايه او كوبايتين ماء فقط
أقراص الفحم موجوده في الصيدليه البشري باسم Eucarbon tablets
كمان ممكن لو مش قادر ادي اقراص فحم لاي سبب اخلط لبن مع العسل الابيض واديهم مركزين للحيوان العسل بيغطي جدار المعده وبيقلل امتصاص الماده السامه واللبن بيسهل خروج جزء تاني من السموم بس طبعا اللبن بيبقي قليل عشان ما اسببش مغص بزياده
عن اللي سببه التسمم
No comments:
Post a Comment