عايز تتبني حيوان أليف ؟

 

أجمل شئ في الدنيا هو حيوان تهتم بيه وتحس فيه الوفاء .. تعتبره صديقك وجزء من
 .عيلتك 

بس الموضوع مش بسيط .. دا مسئوليه كبيره وكبيره جداااا كمان

لازم قبل ما تتبني او تشتري حيوان تبقي عارف أحتياجاته أيه ؟

نوع الحياه اللي لازم توفرها له ايه ؟لازم تشوف في نفسك شخص مسئول كفايه عشان يتحمل عبء تربيه حيوان اليف 

أيوه عبء .. مش سهل أبدا انك تربي حيوان متعرفش أي شئ عن طبيعه تصرفاته وسلوكه وطبيعه أكله وشربه 

وأيه الأمراض اللي بتصيبه وأزاي تحميه منها !!

أنا  طبيبه بيطريه أنشأت المدونه دي وصفحتي علي الفيسبوك عشان أقدر أساعد كل شخص محتاج بجد يهتم بحيوانه 

باشوف انه الرحمه أنواع ومنها رحمتنا بالأنعام ومنها الحيوانات الاليفه زي ما ربنا أمرنا 

حيوانك محتاج أيه بالظبط ؟

واحده واحده هاساعدكم اكتر تفهموا طبيعه حيواناتكم وأحتياجهم 

وهابقي موجوده اونلاين علي البيج والمدونه لو حد حابب يسأل عن أي حاجه :) 

 المقالات اللي جايه هتبقي عن :

1. أزاي تخلي المكان اللي هيعيش فيه حيوانك مكان صحي وخالي من الأمراض 

2. أحيتاجك حيوانك لأشعه الشمس وأمتي تبقي مفيده ,امتي تبقي الاشعه سبب في السرطانات .. كمان هاعرفكم أكتر عن فيتامين د او نعمه الشمس لينا 

3. أيه أفضل أرضيه للمكان اللي هيعيش فيه الكلب عشان عضمه يفضل سليم ومقاوم للكسور وازاي تعودي قططك الصغيره علي أستخدام التواليت او ال litterbox

4.التغذيه السليمه للكلاب والقطط .. من وجبات البيت البسيطه , وازاي نقدر نساعد الحيوان في معالجه مرض معين عن طريق أستخدام خضار معين او فيتامينات بجانب أستخدام الأدويه 

5. التحصينات الضروريه حسب نوع الحيوان ومواعيدها ووقت تكرارها ومتوسط اسعارها في السوق 

6. برامج معالجه الأصابه بالديدان والحشرات واكتر الادويه المستخدمه في السوق 

7.الشيكولاته والاملاح والسكريات وأيه اللي المفروض نمنعه عن الحيوان بتاعنا 

8. الأدويه البشري اللي مينفعش نسخدمها في معالجه الكلاب والقطط 

9. سلوك الحيوان الطبيعي واسباب تغير سلوكه وازاي تقرأ سلوك القطط من طريقه توجيهه لديلها 

10. السن المناسب للتزاوج والأدويه اللي بترفع المناعه والفيتامينات والكالسيوم اللي بيحتاجها الحيوان

تابعونا وأن شاء الله هنحاول نكون ديما هنا عشان نساعدكم ونتكلم معاكم بطريقه سهله بعيده عن التعقيدات عشان تعرفوا تهتموا بحيواناتكم بافضل شكل