الفاكهه المفيده للكلاب والفيتامنيات والمعادن التي تحتوي عليها

نزلنا قبل كده بوست عن الفاكهه الممنوع  تغذيه الكلاب بيها زي العنب والقراصيا والافوكادو و نزلنا بوست عن فايده المانجو وضرره 

بس دلوقت هنتكلم باستفاضه عن الفاكهه المسموح باكلها في الكلاب والقيمه الغذائيه اللي بتعود علي الكلاب منها 

ملحوظه مهمه : كل مره بادي فيها الكلب فاكهه جديده لازم اديله جزء صغير جدا منها تحسبا انه الكلب يكون عنده حساسيه من الفاكهه دي وتكون مضره له رغم فايدتها 

التفاح :

التفاح مصدر للبوتاسيوم وفيتامين سي المقوي للمناعه 

ممكن ادي لكلب كبير نص تفاحه  واتجنب اني اديه قلب التفاح لانه بيحتوي علي الزرنيخ اللي بتركيز عالي ممكن يسبب التسمم للكلب

الموز :

معروف بكميه البوتاسيوم العاليه اللي بيحتويها والمفيده للكلي و بادي جزء صغير منها للكلب كا treat 

الكنتالوب :

دي فاكهه مفيده جدااا للكلاب لاحتوائها علي عدد كبير من الفيتامنيات والمعادن زي 

فيتامين أ المحسن للنظر 

وفيتامين ب المقوي للاعصاب 

وفيتامني سي المقوي للمناعه 

ومعادن زي الماغنسيوم والبوتاسيوم 

غير احتوائها علي الفوليك أسيد المكون للحمض النووي في الخلايا 

ندي الكنتالوب للكلب كمان كتريت بحجم صغير ونشوف لو الكلب معندوش حساسيه منه نكررها كل فتره لتحسين صحه الكلب وجهازه المناعي 

الكيوي :

مصدر للالياف * مفيد في الهضم * كمان بيحتوي علي نسبه من البوتاسيوم وفيتامين سي 

بندي منه شريحه بس للكلب 

الفراوله :

مصدر للبوتاسيوم و الماغنسيوم واليود و والاوميجا 3 و الوفليك اسيد و وفيتامين سي و ك وفيتامين ب 1وب 6

فراوله واحده كفايه كتريت للكلب

البطيخ :

 فاكهه بتحتوي نسبه عاليه من الماء و تحتوي ايضا علي البوتاسيوم والماغنيسوم و علي فيتامين سي وفيتامين  أ 

قطعه صغيره كفايه من فتره للتانيه نديها للكلب 

 يمكنكم زياره الرابط التالي  لقراءه المقال عن التسمم بالشيكولاته في الكلاب:
http://online-vetclinic.blogspot.com.eg/2015/08/blog-post_26.html

أومتابعه صفحتنا علي الفيسبوك لقراءه المواضيع الخاصه بالتغذيه السليمه للحيوانات الاليفه
https://www.facebook.com/onlinevets?ref=hl
المراجع اللي اتكتب منها المقال :

 http://www.mnn.com/family/pets/stories/11-human-foods-dogs-can-eat-and-5-they-shouldnt

http://www.dogchannel.com/dog-food/fruits-for-dogs.aspx