أفضل طريقه لو بافكر في تغيير نوع الاكل للقطه بتاعتي هي اني اضيفه تدريجيا بكميات
قليله وبعدين بكميه اكبر وهكذا لمده اسبوع علي الاكل بتاعها لو قبلت طعمه * ودا عشان اتجنب اني اضيف اكل جديد مره واحده يكون مفيد للقطه بس مش مقبول كطعم بالنسبه لها فترفضه وترفض تاكله تاني *
الدراي فود افضل ولا الفريش للكلاب والقطط ؟
الدراي فود فيه فيتامينات ومعادن مركزه ومحسوبه بشكل يفيد صحه الحيوان وكمان
نسبه الماء فيه معدومه فبالتالي مش هيتكون عليه فطريات تسبب اسهال وامراض تانيه للحيوان بس لازم يكون الدراي فود من ماركه كويسه ولو كلبي او قطتي بيعاني من مرض معين الافضل اني اختار له الدراي فود الانسب * مثلا لو كلب بيعاني من مشاكل في الكلي وانا باكله رويال يبقي هاختار له رويال لتحسين وظائف الكلي مش رويال لتحسن وظائف الكبد *
كمان بالنسبه للكلاب الافضل اني اختار دراي فود مناسب لنوع الكلب * رويال مثلا بتنزل دراي للجيرمن ودراي للروت وهكذا وبيختلف تركيب كل نوع من الدراي حسب احتياج نوع الكلب من المواد الغذائيه *
طيب لو كلبي او قطتي محبش طعم الدراي فود وبيفضل الفريش اعمل ايه ؟
ببساطه اما هاضيف الدراي بكميه قليله علي الفريش تدريجيا لحد ما الحيوان يتأقلم مع نكهه الدراي او هاطحنه واضيفه مخلوط بقطعه فراخ او لحمه فيضطر الحيوان ياكله عشان ياكل معاه البروتين الحيواني
ودا ميمنعش اني احطله من فتره للتانيه وجبه فيها فريش فود خاصه اذ كانت بتحتوي علي خضروات وبروتين مفيد وطعمه مقبول للحيوان
No comments:
Post a Comment