في ادويه كتير بشري بنستخدمها كمعالجه للكلب او القطه بتاعتنا
واحنا فاكرين انها أمنه جدا ليهم زي أقراص الباراسيتمول الدواء الوحيد المسموح بيه للنساء الحوامل كمسكن وخافض للحراره ومضاد للالتهابات .. تعرفوا ان الدواء دا سام
للقطط وللكلاب كمان
بجرعه 45 ميلليجرام لكل كيلو من وزن الحيوان ممكن يسبب تسمم للقطه
وبتركيز 250 ميلليجرام لكل كيلو من وزن الحيوان ممكن يسبب التسمم للكلاب * وأحيانا عند تركيز أقل زي 100 ميلليجرام بيحصل تسمم وفشل في وظائف خلايا الكبد *
طيب النسبه دي توازي ايه عشان الموضوع يبقي بسيط وتتفهم خطورته وليه الدوا سام اصلا ؟
45 ميلليجرام يعني قرص الباراسيتمول 500 تخيلوا ال 45 دي توازي عشر قرص باراسيتمول يعني تقريبا حاجه صغيره جدا من القرص هي اللي هتسبب التسمم لكل كيلو من وزن القطه
و ال 250 ميلليجرام اللي هيسببوا التسمم للكلب هما عباره عن نص قرص
لكل كيلو من وزن الكلب
طب ايه السبب في انه سام للقطط كمان اكتر من الكلاب ؟
البارسيتمول بيحول الهيموجلوبين العادي الموجود في خلايا الدم الحمراء المسئول عن نقل الاوكسجين للميتاهيموجلوبين * ودي غير قادر علي نقل الاوكسجين *
وبالتالي مش هيتنقل الاوكسجين للاعضاء الحيويه في الجسم وهتفشل في اداء وظيفتها وخلال 2 ل 5 ايام من تناول البارسيتمول القطه ممكن تموت وهو سام اكتر للقطط لانه الجرعه الصغيره منه هتسبب السميه عكس الكلاب اللي هتحتاج لنص قرص لكل كيلو عشان يحصلها تسمم .
البارسيتمول موجود في عدد كبير من الادويه وباسماء تجاريه مختلفه زي الادول والادول اكسترا والباندولات وغيرهم كتير فياريت نقرا الاول عن تكوين الدوا قبل ما نديه للحيوان بتاعنا ونأذيه
في حالات التسمم لا قدر الله هنقوم بنفس الخطوات اللي قولنا عليها في التسمم , بالشيكولاته والفواكهه السامه للقطط والكلاب الموجوده في المقالات السابقه
المراجع :
No comments:
Post a Comment