الكلاب معندهاش غدد عرقيه ؟ حقيقي الكلام دا ؟

الغدد العرقيه :

غدد موجوده في الجلد وليها فتحات مختلفه في مسام البشره بتفرز العرق * السوائل الكريهه الرائحه * واللي بتحتوي علي سموم لازم الجسم يتخلص منها في معظم الأوقات .. غير أنه افراز العرق دا بيساعد علي توازن درجه حراره الجسم والشعور بالترطيب دا بالنسبه لنا طب بالنسبه للكلاب 

هل الوضع مختف  ؟

كتير أتقال ان الكلاب مبتعرقش عشان معندهاش غدد عرق أصلا بس الحقيقه أن الكلاب بتعرق وعندها نفس الغدد العرقيه اللي عندنا بس وجود الفرو الكثيف علي أجسامهم بيجعل من السهل ان قطرات العرق تلتصق بالشعر وبالتالي مش هيحس الحيوان بأي فرق وهتفضل درجه حرارته عاليه 

ربنا أعطي الكلاب وسيله تانيه ينظموا بيها درجه حرارتهم وهي اللهث خروج الهوا السخن من جسم الحيوان بيديله أحساس بالترطيب 

الغدد العرقيه اللي بتعمل نفس الوظيفه عندنا موجوده في أقدام الكلاب وبتفرز العرق اللي بيمنع الكلب أن يقع وبتساعد علي أحكام حركته علي الأرض .. كمان موجوده حوالين فتحات الأنف وفي المنطقه العاريه من الجسم يعني ** أه الكلاب بتعرق بس صعب نشوف العرق دا بسبب شعرهم ** :)